นนเหตุํ นอเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยาฯ เอกํฯ

นเหตุํ นอเหตุกญฺจ นนเหตุํ นอเหตุกญฺจ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยาฯ เอกํฯ เหตุยา ตีณิฯ

1-2-5. เหตุทุก-เหตุสมฺปยุตฺตาทิทุกานิ

[4] นเหตุํ นเหตุสมฺปยุตฺตํ ธมฺมํ ปฏิจฺจ เหตุ เหตุสมฺปยุตฺโต ธมฺโม อุปฺปชฺชติ เหตุปจฺจยา… เหตุยา จตฺตาริฯ

นเหตุํ นเหตุวิปฺปยุตฺตํ ธมฺมํ ปฏิจฺจ นเหตุ เหตุวิปฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิฯ

[5] นเหตุํ นเหตุญฺเจว นอเหตุกญฺจ ธมฺมํ ปฏิจฺจ เหตุ เหตุ เจว สเหตุโก จ ธมฺโม อุปฺปชฺชติ เหตุปจฺจยาฯ เหตุยา เอกํฯ

นนเหตุํ นอเหตุกญฺเจว นนเหตุญฺจ ธมฺมํ ปฏิจฺจ นเหตุ สเหตุโก เจว น จ เหตุ ธมฺโม อุปฺปชฺชติ เหตุปจฺจยาฯ เหตุยา เอกํฯ

[6] นเหตุํ นเหตุญฺเจว นเหตุวิปฺปยุตฺตญฺจ ธมฺมํ ปฏิจฺจ เหตุ เหตุ เจว เหตุสมฺปยุตฺโต จ ธมฺโม อุปฺปชฺชติ เหตุปจฺจยาฯ เหตุยา เอกํฯ

นนเหตุํ นเหตุวิปฺปยุตฺตญฺเจว นนเหตุญฺจ ธมฺมํ ปฏิจฺจ นเหตุ เหตุสมฺปยุตฺโต เจว น จ เหตุ ธมฺโม อุปฺปชฺชติ เหตุปจฺจยาฯ เหตุยา เอกํฯ

[7] นเหตุํ นเหตุํ นสเหตุกํ ธมฺมํ ปฏิจฺจ นเหตุ นเหตุ สเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ นเหตุํ นอเหตุกํ ธมฺมํ ปฏิจฺจ นเหตุ นเหตุ อเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

1-6-12. เหตุทุก-จูฬนฺตรทุกานิ

[8] นเหตุ นสปฺปจฺจโย ธมฺโม เหตุสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… อารมฺมเณ ตีณิฯ (สงฺขตํ สปฺปจฺจยสทิสํฯ)

[9] นเหตุํ นสนิทสฺสนํ ธมฺมํ ปฏิจฺจ นเหตุ สนิทสฺสโน ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุ นอนิทสฺสโน ธมฺโม เหตุสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… อารมฺมเณ ตีณิฯ

[10] นเหตุํ นสปฺปฏิฆํ ธมฺมํ ปฏิจฺจ นเหตุ สปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ นอปฺปฏิฆํ ธมฺมํ ปฏิจฺจ นเหตุ อปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

[11] นเหตุํ นรูปิํ ธมฺมํ ปฏิจฺจ เหตุ รูปี ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ นอรูปิํ ธมฺมํ ปฏิจฺจ เหตุ อรูปี ธมฺโม อุปฺปชฺชติ เหตุปจฺจยา… เหตุยา ตีณิฯ

[12] นเหตุํ นโลกิยํ ธมฺมํ ปฏิจฺจ นเหตุ โลกิโย ธมฺโม อุปฺปชฺชติ เหตุปจฺจยาฯ นนเหตุํ นโลกิยํ ธมฺมํ ปฏิจฺจ นเหตุ โลกิโย ธมฺโม อุปฺปชฺชติ เหตุปจฺจยา (คณิตเกน ตีณิฯ)

นเหตุํ นโลกุตฺตรํ ธมฺมํ ปจฺจยา เหตุ โลกุตฺตโร ธมฺโม อุปฺปชฺชติ เหตุปจฺจยา… เหตุยา ตีณิฯ

[13] นเหตุํ นเกนจิ วิญฺเญยฺยํ ธมฺมํ ปฏิจฺจ เหตุ เกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา นวฯ

นเหตุํ นเกนจิ นวิญฺเญยฺยํ ธมฺมํ ปฏิจฺจ เหตุ เกนจิ นวิญฺเญยฺโย ธมฺโม อุปฺปชฺชติ เหตุปจฺจยา… เหตุยา นวฯ

1-13-18. เหตุทุก-อาสวโคจฺฉกานิ

[14] นเหตุํ โนอาสวํ ธมฺมํ ปฏิจฺจ เหตุ อาสโว ธมฺโม อุปฺปชฺชติ เหตุปจฺจยาฯ นเหตุํ โนอาสวํ ธมฺมํ ปฏิจฺจ นเหตุ อาสโว ธมฺโม อุปฺปชฺชติ เหตุปจฺจยาฯ นเหตุํ โนอาสวํ ธมฺมํ ปฏิจฺจ เหตุ อาสโว จ นเหตุ อาสโว จ ธมฺมา อุปฺปชฺชนฺติ เหตุปจฺจยาฯ ตีณิฯ